肥膩零食、煎炸食物雖然吸引，但愈食得多就愈唔健康，更係增加壞膽固醇嘅原兇。唔想心血管比壞膽固醇侵佔，變得狹窄，甚至閉塞咁危險？就要謹記護心公式310，即係「三低一高零反式」！實行低油鹽糖、高纖維、零反式脂肪嘅飲食，唔好忘記每日五份蔬果，少食加工紅肉。

購買包裝食品前多做一步：細閱營養標籤，避免「三高」陷阱損害心臟！親自落廚嘅朋友，多採用少油烹調方法，輕量調味。護心飲食，你我都識！