大家好，我係Queenie朱慧敏！

今年嘅世界心臟日主題係「護心公式你要識：三低一高零反式」! 即係低油、低鹽、低糖高纖維，以及零反式脂肪！

「油」、「鹽」、「糖」大家都成日會接觸到，但係你地又知唔知「反式脂肪」到底係喺邊到嚟架呢？

其實大家平時好鐘意食嘅蛋糕、酥皮蛋撻、西多士、炸雞呢啲又炸又焗嘅食物，裡面含有好大量嘅反式脂肪架！

呢啲食物好少會有食物標籤，所以令到大家忽略左反式脂肪嘅弊處，所以真係少食為妙呀 ！

今年既世界心臟日有好多精彩活動，大家可以上網搜尋「心臟健康頻道H2C」， 或者上「世界心臟日Facebook專頁」了解更多啦！

心動不如行動，保護自己，保護家人，立即攜手護心

一同宣揚「護心公式你要識：3低1高0反式」啦！