父兼母職係好辛苦嘅事，當精力都放喺小朋友身上時，好容易會忽略咗自己。

香港心臟專科學院代表袁浩泉醫生就帶嚟一個故事，主角係一個四十歲出頭嘅廿四孝單親爸爸，就算身體一直出現唔同嘅訊號，包括氣喘、腳腫、身腫，佢都當只係小問題，只求囡囡一切安好；直到真係好唔妥先至檢查，但原來已經出現心臟衰竭，唔只會影響生活，甚至有一定嘅死亡風險！雖然已經去到咁嘅情況，呢名廿四孝爸爸仍然只想快啲出院，返去照顧囡囡；想知道醫療團隊點樣幫佢、佢又可唔可以如願以償，而家就睇片了解多啲啦。

*袁浩泉醫生提醒：以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。

#心臟衰竭 #父兼母職 #廿四孝爸爸 #只求囡囡安好 #影響生活 #死亡風險 #心臟科專科醫生 #香港心臟專科學院代表 #袁浩泉醫生