一個心臟究竟可以出現幾多問題？香港心臟專科學院代表李耿淵醫生就話，有名60歲出頭嘅患者，同時有三高、慢性腎衰竭、冠心病、心瓣病變等，最後仲出現埋心臟衰竭。喺多種疾病夾撃下，就算應該會出現心絞痛等比較明顯嘅病徵，都由於佢有糖尿病，神經線受到破壞而感受唔到痛楚。至於心臟衰竭而導致嘅氣喘，佢又以為只係年紀大身體差所致，搞到一直忽略心臟問題。直到佢突然出現心臟休克，入院檢查先發現心臟功能只剩25%，仲有主動脈嚴重收窄、三條主要血管嚴重鈣化等，情況好嚴重！喺呢種情況下，團隊見招拆招，連續進行咗幾次好複雜嘅通波仔手術，同埋開始服用多種藥物，包括抗血小板藥同SGLT-2抑制劑等，終於令心臟功能回升到接近50%。而家就立即去片，睇吓呢個多重受害的心臟係點樣挽救返嚟啦～

*李耿淵醫生提醒：以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。

#心臟衰竭 #三高 #慢性腎衰竭 #冠心病 #心瓣病變 #心臟休克 #通波仔手術 #心臟科專科醫生 #香港心臟專科學院代表 #李耿淵醫生